Preto do corazón das familias

O noso obxectivo é axudar ao crecemento e realización da vida familiar. Acompañamos ás familias, especialmente a aquelas en situación de dificultade ou vulnerabilidade , atendendo ás novas realidades familiares e ás diferentes etapas da vida familiar.

No mundo complexo e cambiante de hoxe, queremos axudar ás familias a desenvolverse como tales, adaptando os medios e a sabedoría ignaciana á vida familiar , ao crecemento da parella e á educación dos fillos.

Porque necesitamos ferramentas, experiencias e formas de facer que , dun xeito non teórico senón vivencial , nos axuden a desenvolver a nosa vida familiar. Do mesmo xeito que progresamos e aprendemos na nosa vida profesional, podemos mellorar e adquirir novas habilidades na nosa vida familiar, sen morrer de aburrimento no intento.

Ámbitos de actuación

Identificamos aqueles aspectos da vida familiar nos que é necesaria unha presenza ou actuación e non hai quen interveña. Desenvolvemos ferramentas que nos permiten actuar nestes ámbitos dun xeito novo, e ofrecémolas á igrexa e á sociedade, facilitando a formación para acompañar estas experiencias.